لاہور (نیشنل ٹائمز) صوبہ پنجاب کے دارالحکومت لاہور کی ایک چمڑا فیکٹری میں آگ لگ گئی، جس کے باعث درجنوں افراد اندر پھنس گئے۔

میڈیا رپورٹس کے مطابق یہ افسوسناک واقعہ لاہور کے علاقے شاہین آباد شیراکوٹ میں پیش آیا جہاں چمڑا فیکٹری میں آگ لگ گئی جس کے نتیجے میں 25 افراد فیکٹری میں پھنس گئے، آگ کی اطلاع ملنے پر 1122 کی ٹیمیں موقع پر پہنچ گئیں، امدادی کاموں میں ریسکیو کی 10 گاڑیاں اور کئی اہلکار حصہ لے رہے ہیں، پھنسے ہوئے افراد کو بھی فیکٹری سے باہر نکالنے کی کوشش کی جا رہی ہے جب کہ ابتدائی طور پر آگ لگنے کی وجہ معلوم نہ ہو سکی۔