تل ابیب (نیشنل ٹائمز) اسرائیل نے ایران سے میزائل حملوں کے خطرے کے پیش نظر ملک بھر میں جی پی ایس بلاک کر دیا اور فوجیوں کی چھٹیاں بھی منسوخ کر دیں۔

اسرائیل اور ایران میں بڑھتی کشیدگی کے سبب ڈرون اور میزائل حملوں کا خطرہ بڑھ گیا، اسرائیل نے جنگی یونٹوں کے تمام فوجیوں کی چھٹیاں بھی منسوخ کر دیں۔ فضائی دفاعی یونٹس کے ریزوروسٹ فوجیوں کو طلب کر لیا گیا۔

واضح رہے کہ چند روز قبل شام کے دارالحکومت دمشق میں ایرانی قونصل خانے کی عمارت پر اسرائیل نے فضائی حملہ کیا تھا جس میں 2 سینئر کمانڈرز سمیت 7 اہلکار جاں بحق ہو گئے تھے۔ اس پر ایران نے اسرائیل کو جواب دینے کا اعلان کیا تھا۔