اسلام آباد(نیشنل ٹائمز)ذرائع کے مطابق دادو میں زرعی زمین کے3 سال پرانے تنازع کے حل کے لیے جرگہ منعقد کیا گیا جہاں جرگہ عمائدین نے دونوں فریقین پر 5 کروڑ 44 لاکھ روپے کا جرمانہ عائد کرکے 3 سال سے جاری زرعی زمین کے تنازع پر تصفیہ کرا دیا۔حکام کے مطابق تین سال جاری رہنے والےخونی تصادم میں پولیس اہلکار سمیت 12 افرادجاں بحق ہو چکے ہیں۔ ذرائع کا کہنا ہےکہ جاں بحق پولیس اہلکار کو دونوں فریق 15، 15 لاکھ روپے ادا کریں گے جبکہ پہلی قسط 5 جنوری کو ادا کی جائےگی۔