اسلام آباد(نیشنل ٹائمز)ایک بیان میں یونیسیف کے ترجمان کا کہنا تھا کہ انروا کے بغیر غزہ میں جان بچانے والے سامان کی فراہمی جاری نہیں رکھ سکتے۔ترجمان یونیسیف کے مطابق انروا پر پابندی کا فیصلہ غزہ کے بچوں کےقتل عام کا نیا طریقہ ہے۔اسرائیل نے اقوام متحدہ کی ریلیف ایجنسی ’انروا‘ پر پابندی لگادی۔خیا ل رہے کہ اسرائیلی پارلیمنٹ نے اقوام متحدہ کی ریلیف ایجنسی انروا پر پابندی کا بل منظور کرلیا ہے۔اسرائیل کی جانب سے اسرائیلی حکام اور ریلیف ایجنسی کے درمیان روابط پر پابندی، انروا سے تعلقات منقطع کرنے اور اسے دہشت گرد تنظیم قرار دینے کی بھی منظوری دی گئی۔اسرائیلی وزیراعظم بن یامین نیتن یاہو کا کہنا ہےکہ انروا کے عملےکو اسرائیل کے خلاف دہشت گرد سرگرمیوں پر جوابدہ ہونا چاہیے۔دوسری جانب اسرائیلی فوج نے منگل کی صبح غزہ میں بمباری کی جس کے نتیجے میں 93 فلسطینی شہید ہوگئے۔میڈیا رپورٹس میں بتایا گیا ہےکہ اسرائیلی حملے میں شہید ہونے والوں میں خواتین اور 17 کم عمر بچے بھی شامل ہیں جب کہ متعدد افراد عمارت کے ملبے تلے دبے ہیں جنہیں ریسکیو حکام کی جانب سے نکالنے کی کوشش جاری ہے۔