نئی دہلی (نیشنل ٹائمز) بھارت نے اسلامی مبلغ ڈاکٹر ذاکر نائک کے پاکستان کے دورے اور ان کے خیر مقدم پر اظہارِ مایوسی کیا ہے۔بھارتی میڈیا کے مطابق بھارت کی وزارتِ خارجہ کے ترجمان رندھیر جیسوال نے پریس بریفنگ میں کہا کہ بھارت نے ڈاکٹر ذاکر نائک کے پاکستان میں ہونے اور ان کے پر جوش خیر مقدم کی رپورٹس دیکھی ہیں۔ یہ افسوسناک اور قابلِ مذمت ہے تاہم ان کے بقول یہ حیرت انگیز نہیں ہے۔جب رندھیر جیسوال سے ڈاکٹر ذاکر نائک کے پاسپورٹ کے بارے میں سوال پوچھا گیا تو انھوں نے کہا کہ انھیں نہیں معلوم کہ وہ کس پاسپورٹ پر پاکستان کا دور کر رہے ہیں۔میڈیا رپورٹس کے مطابق وزارتِ خارجہ کے ترجمان کے بیان کے فورا بعد بھارت میں ڈاکٹر ذاکر نائک کا سوشل میڈیا پلیٹ فارم ایکس اکانٹ معطل کر دیا گیا۔ان کے اکائونٹ پر وزٹ کرنے پر وہاں لکھا ہے کہ قانونی مطالبات کی وجہ سے بھارت میں ذاکر نائک کا اکائونٹ معطل کر دیا گیا ہے۔