اسلام آباد (نیشنل ٹائمز) وزیراعظم شہبازشریف نے کہا ہے کہ قوم کی ایک ایک پائی بچا کرعوام کو دہلیز پرسہولتیں فراہم کریں گے، عالمی مالیاتی ادارے پاکستانی معیشت کی بہتری کا اعتراف کررہے ہیں، 9 مئی واقعات ناقابل معافی جرم ہے، سوشل میڈیا پر افواج پاکستان سے متعلق غلیظ زبان استعمال کی جارہی ہے۔ وزیرخزانہ اورانکی ٹیم نے بھی آئی ایم ایف پروگرام کیلئے بھرپورمحنت کی، آرمی چیف نے ذاتی طورپراپنی کاوشیں کیں، آرمی چیف نے دوست ممالک کا دورہ بھی کیا۔
عوام کی حمایت سے ہم ضرور کامیاب ہوں گے۔ قوم کی ایک ایک پائی بچاکرعوام کی دہلیز پرسہولتیں فراہم کریں گے۔ وزیراعظم محمد شہبازشریف نے کہا کہ پاکستانی بھائیوں کو خوش آمدید کہتا ہو، اقوام متحدہ اجلاس کے موقع پر مختلف سربراہان مملکت سے ملاقات ہوئی، مختلف ممالک کے ساتھ تعلقات بہتربنانے کے حوالے سے مفید گفتگو ہوئی۔

فلسطین کےبعد لبنان پربھی اسرائیلی جارحیت جاری ہے، غزہ میں فوری جنگ بندی ہونی چاہیے، فلسطین کواقوام متحدہ میں مکمل نمائندگی ملنی چاہئے، مقبوضہ کشمیرمیں بھارت کی جانب سے مظالم کاسلسلہ جاری ہے، بھارت کی جانب اگست2019 میں مقبوضہ کشمیرکی خصوصی حیثیت کوتبدیل کرنے کی کوشش کی گئی، مسئلہ کشمیرکا حل سلامتی کونسل کی قراردادوں کے مطابق ہونا چاہئے۔

ملکی ترقی کیلئے ٹیکس نیٹ کوبڑھانا ہوگا، عام آدمی نے بہت قربانی دی اب اشرافیہ کوآگے آنا ہوگا، ملکی ترقی اورخوشحالی کیلئے سب کواپنا کردارادا کرنا ہوگا، آئی ایم ایف پروگرام میں چین، سعودی عرب اوریواے ای نے بھرپورتعاون کیا، تینوں ممالک کا خصوصی طورپرشکریہ ادا کرتا ہوں۔ دوست ممالک نے پاکستان کی معیشت کی بہتری کیلئے بھرپورتعاون کیا۔
پاکستان کی معیشت بہتری کی جانب گامزن ہے، دوست ممالک کے تعاون سے آئی ایم ایف کے ساتھ معاہدہ ممکن ہوا، عالمی مالیاتی ادارے پاکستانی معیشت کی بہتری کااعتراف کررہے ہیں، پاکستان اب استحکام اورمعاشی بہتری کی جانب گامزن ہے، مہنگائی کی شرح میں کمی آئی ہے، اشیاء خورونوش کی قیمتوں میں بھی کمی آئی ہے، سٹیٹ بینک نے پالیسی ریٹ میں کمی کی ہے۔