اسلام آباد (نیشنل ٹائمز) لیفٹیننٹ جنرل محمد علی کو سیکرٹری دفاع تعینات کردیاگیا، تعیناتی کی منظوری وزیراعظم شہباز شریف نے دی، سٹیبلشمنٹ ڈویژن نے لیفٹیننٹ جنرل محمد علی کی تعیناتی کا باقاعدہ نوٹیفکیشن جاری کر دیا، قبل ازیں لیفٹیننٹ جنرل محمد عاصم ملک کو ڈی جی آئی ایس آئی تعینات کر دیا گیا تھا۔ بتایا گیا تھا کہ لیفٹیننٹ جنرل عاصم ملک 30 ستمبر کو بطور ڈی جی آئی ایس آئی اپنی نئی ذمہ داری سنبھالیں گے۔
وزیر اعظم کی منظوری سے لیفٹیننٹ جنرل محمد عاصم ملک کو ڈی جی آئی ایس آئی تعینات کیا گیا تھا۔لیفٹیننٹ جنرل عاصم ملک اس وقت جی ایچ کیو میں ایڈجوٹنٹ جنرل کے فرائض سر انجام دے رہے ہیں۔ لیفٹیننٹ جنرل عاصم بلوچستان میں انفنٹری ڈویژن اور وزیرستان میں انفنٹری بریگیڈ کی کمانڈ کر چکے ہیںاور وہ اپنے کورس میں اعزازی شمشیر بھی حاصل کر چکے تھے۔

وہ چیف انسٹرکٹر این ڈی یو اور انسٹرکٹر کمانڈ اینڈ سٹاف کالج کوئٹہ تعینات رہ چکے ہیں وہ فورٹ لیون ورتھ اور رائل کالج آف ڈیفنس سٹڈیز کے گریجویٹ بھی ہیں۔۔لیفٹینیٹ جنرل عاصم اس سے پہلے ملٹری آپریشنز ڈائریکٹوریٹ میں بھی فرائض سرانجام دے چکے ہیں۔ لیفٹیننٹ جنرل عاصم ملک فوجی خاندان سے تعلق رکھتے ہیں ان کے والد غلام محمد بھی لیفٹیننٹ جنرل تعینات رہے تھے اور انہوں نے کورکمانڈر راولپنڈی کے فرائض بھی انجام دئیے تھے جب کہ لیفٹیننٹ جنرل عاصم ملک کے والد کو جنرل جی ایم کے طور پر جانا جاتا تھا۔
یاد رہے موجودہ ڈی جی آئی ایس آئی لیفٹیننٹ جنرل ندیم انجم کو 6 اکتوبر 2021 کو ڈی جی آئی ایس آئی تعینات کیا گیا تھا۔لیفٹیننٹ جنرل محمد عاصم ملک کو موجودہ ڈی جی آئی ایس آئی لیفٹیننٹ جنرل ندیم احمد انجم کی جگہ مقرر کیا گیا۔ موجودہ ڈی جی آئی ایس آئی لیفٹیننٹ جنرل ندیم انجم کو 6 اکتوبر 2021 کو ڈی جی آئی ایس آئی تعینات کیا گیا تھا۔اس سے قبل لیفٹیننٹ جنرل ندیم انجم نے 20 نومبر 2021 کو فیض حمید کی جگہ ڈی جی آئی ایس آئی کا عہدہ سنبھالاتھا جنرل فیض حمید کو کور کمانڈر پشاور تعینات کیا گیاتھا۔