راولپنڈی(نیشنل ٹائمز)پاکستان تحریک انصاف کے بانی چیئرمین اور سابق وزیراعظم عمران خان کی ہمشیرہ علیمہ خان نے دعوی کیا ہے کہ جج نے جلد عمران خان کو سزا سنانی ہے اڈیالہ جیل کے باہر صحافیوں سے گفتگو کرتے ہوئے علیمہ خان نے کہاکہ سپریم کورٹ کو عوام نے بچانا ہے یہ ہمیں کبھی بھی ملٹری کورٹ میں لے جائیں گے۔

انہوں نے کہا کہ ہمارے بہت سے لوگ ملٹری جیل میں ہیں ہمارا بھانجا بھی ملٹری جیل میں ہے کسی کو معلوم نہیں کہ ان کو کب اور کتنی سزا ہو جائے گی اب یہ قانون لانا چاہتے ہیں کسی کو بھی اٹھا کر لے جائیں. علیمہ خان نے دعوی کرتے ہوئے کہا کہ جج نے جلد عمران خان کو سزا سنانی ہے واضح رہے کہ اس سے قبل علیمہ خان نے کہا تھا کہ سننے میں آرہا ہے عمران خان کو ملٹری جیل میں ڈالنے کی کوشش ہے انہیں سمجھ نہیں آرہی کہ عمران خان کو کیسے جیل میں رکھیں۔