اسلام آباد(نیشنل ٹائمز)وزیر توانائی سردار اویس لغاری نے لیسکو میں 80 ارب روپے سے زائد کی اوور بلنگ کا انکشاف کیا ہے سینیٹر محسن عزیز کی زیر صدارت سینٹ کی قائمہ کمیٹی برائے توانائی کا اجلاس ہوا جس میں وفاقی وزیر توانائی اویس لغاری نے کمیٹی کو بریفنگ دی. اجلاس کے دوران سینیٹر پلوشہ خان نے اووربلنگ کا معاملہ اٹھا یا دوران اجلاس وزیر توانائی سردار اویس لغاری نے انکشاف کیا کہ لیسکو میں پورے ملک سے زیادہ اوور بلنگ ہوئی ہے بجلی چوری اور لائن لاسز کو کم دکھانے کے لیے اوور بلنگ ہورہی تھی ہم نے وہ اب ٹھیک کردی ہے.

اس پر لیسکو چیف نے کمیٹی کو بتایا کہ لیسکو نے 80 ارب روپے کی اوور بلنگ کی مگر پیسے واپس کردیئے اوور بلنگ والے یونٹس کے ہم نے بلز میں کریڈٹ بنا کر بھیج دیئے اگلے مہینے کے بلوں میں ان پیسوں کو ایڈجسٹ کیا گیا لیسکو میں اب اوور بلنگ نہیں ہے. لیسکو چیف نے بتایا کہ بجلی چوری میں ملوث لیسکو کے ملازمین کو نوکری سے فارغ کیا گیاچوری میں ملوث 127ملازمین کو ہم نے نوکریوں سے برخاست کیا ہے 16 سے 17 ایس ڈی اوز کو بھی بجلی چوری پر فارغ کیا گیا ہے.
اجلاس کے دوران وفاقی وزیر اویس لغاری نے بجلی صارفین کی شکایات پر عمل درآمد نہ ہونے کا بھی انکشاف کیا اویس لغاری کا کہنا تھا کہ تقسیم کار کمپنیوں میں شکایات کے لیے بجلی صارفین 118 پر کال کرکے شکایات درج کراتے ہیں جب تک میں وزیر نہیں تھا مجھے بھی اس نمبر کا پتہ نہیں تھا اس نمبر پر جو کالز آتی تھیں اس کا ڈیٹا پہنچتا ہی تھااور ان شکایات پر عمل درآمد ہوتا ہی نہیں تھا۔