اسلام آباد (نیشنل ٹائمز) پاکستان تحریک انصاف کے مرکزی رہنماء سینیٹر ولید اقبال نے کہا ہے کہ عمران خان پر پاکستان میں جتنے مرضی کیسز بنا دیں مقبولیت میں فرق نہیں پڑے گا،جہاں گارڈین یا ڈیلی میل نے خلاف لکھا ہے وہاں 10 جریدوں نے حق میں بھی لکھا،چانسلر آکسفورڈ یونیورسٹی کا الیکشن لڑنا کوئی راہ فرار نہیں۔ انہوں نے ہم نیوز کے پروگرام میں گفتگو کرتے ہوئے کہا کہ اس وقت عمران خان پر کسی کیس میں سز ا نہیں ہے ،بانی پی ٹی آئی کی رہائی ہماری اولین ترجیحات میں ہے۔
آپ لوگوں نے دیکھا کہ اقوام متحدہ کے ورکنگ گروپ نے بھی عمران خان کی قید کو ناجائز قرار دیا، اس معاملے پر غور کے بعد اپنی رائے جاری کی تھی۔برطانیہ میں آکسفورڈ یونیورسٹی ایک قدیم یونیورسٹی ہے، آکسفورڈ یونیورسٹی میں جمہوری طریقے سے الیکشن ہورہا ہے،عمران خان الیکشن لڑنے کیلئے امیدوار ہیں، پاکستان میں جتنے مرضی کیسز بنا دیں عمران خان کی مقبولیت میں فرق نہیں پڑے گا۔

ولید اقبال نے کہا کہ اگر گارڈین یا ڈیلی میل نے ان کے خلاف لکھا ہے تو حق میں بھی لکھا ہے، یہ جمہوری پراسس ہے۔ جہاں حق میں بھی لوگ ہوتے ہیں اور اس کے مخالف بھی باتیں ہوتی ہیں۔ جہاں دو اخباروں نے ان کے خلاف بات کی ہے وہاں 10اور بھی جریدے ہیں ان کو کسی نے نہیں دیکھا؟ان میں عمران خان کی پذیرائی ہوئی ہے، کچھ شخصیات نے ان کی حمایت کی ہے۔چانسلر آکسفورڈ یونیورسٹی کا الیکشن لڑنا کوئی راہ فرار نہیں، راہ فرار نواز شریف اور زرداری خاندانوں کی قسمت میں ہے، جومشرف دور میں بھی ہوا، اور اس کے بعد پلیٹ لیٹس گرنے سے بھی ہوا۔
کچھ شخصیات نے ان کی حمایت کی ہے۔چانسلر آکسفورڈ یونیورسٹی کا الیکشن لڑنا کوئی راہ فرار نہیں، راہ فراز شریف اور زرداری خاندانوں کی قسمت میں ہے، جومشرف دور میں بھی ہوا، اور اس کے بعد پلیٹ لیٹس گرنے سے بھی ہوا۔