پشاور(نیشنل ٹائمز)خیبر پختون خوا ہ کی صوبائی حکومت کے مشیراطلاعات بیرسٹر سیف نے کہا ہے کہ نواز شریف کی طرف سے تحریک انصاف کے بانی چیئرمین عمران خان سے مذاکرت کی کو شش ہو رہی ہے بیرسٹر سیف نے اپنے تازہ بیان میں کہا ہے کہ شہباز شریف کو عمران خان کی شکل میں اپنی سیاسی موت نظر آ رہی ہے دونوں بھائی ذاتی اور سیاسی مفاد کی خاطر لڑ رہے ہیں۔

بیرسٹر سیف نے کہا کہ عمران خان کسی بھی ڈیل پر نہیں، عوام کے لیے ڈائیلاگ پر یقین رکھتے ہیں وہ نہ مینڈیٹ چوروں سے مذاکرات کریں گے اور نہ ہی ڈیل کریں گے انہوں نے کہا کہ نواز شریف مفاہمت کی بات کر کے چوتھی بار وزیراعظم بننے کی کوشش کر رہے ہیں نواز شریف کو مفاہمت جبکہ شہباز شریف کو سیاسی تناؤ میں خیر نظر آ رہا ہے. بیرسٹر سیف نے کہا ہے کہ شہباز شریف کسی صورت نواز شریف کو وزیراعظم نہیں بننے دے رہے نواز شریف کے سیاسی مفاہمت کے بیانیے کو شہباز شریف وزراءکے ذریعے دبا رہے ہیں. مشیر اطلاعات خیبر پختون خوا ہ کہا کہ شہباز شریف حامی وزراءکے ذریعے 9 مئی واقعات پر معافی کے بیانات دلوا رہے ہیں۔