لاہور(نیشنل ٹائمز) پاکستان تحریک انصاف(پی ٹی آئی) نے 12 ربیع الاول کے پیش نظر لاہور جلسہ موخر کرنے کا اعلان کردیا ۔ذرائع کے مطابق تحریک انصاف اب 15 کے بجائے 22 ستمبر کو لاہور میں میدان سجائے گی۔ پی ٹی آئی ذرائع کا کہنا ہے کہ 8 ستمبر کو اسلام آباد میں ہونے والے جلسے کی تاریخ میں کوئی رد و بدل نہیں کی گئی ہے۔ذرائع نے بتایا کہ پی ٹی آئی کی جانب سے اسلام آباد سمیت مختلف شہروں میں ربیع الاول کی مناسبت سے تقاریب کا انعقاد کیا جائے گا۔ ذرائع کے مطابق پی ٹی آئی لاہور کی قیادت کو کارکنان کو متحرک کرکے اسلام آباد کے لیے تیار رکھنے کی ہدایت کی گئی ہے۔