دوحہ (نیشنل ٹائمز) غزہ میں جنگ بندی کے معاہدے کے لیے قطر کے دارالحکومت دوحہ میں مذاکرات کا تازہ دور اختتام پذیز ہوگیا ہے۔اس موقع پر جاری اعلامیے میں امید ظاہر کی گئی ہے کہ جن نکات پر اتفاقِ رائے ہوا ہے ان کی بنیاد پر اِسی ہفتے جنگ بندی معاہدہ ہوجائے گا۔ قطر کی قیادت کا کہنا ہے کہ غزہ میں جنگ بندی کے لیے مذاکرات ہو رہے ہیں۔ ایسے میں اسرائیل پر حملے سے معاملات مزید خرابی کی طرف جائیں گے۔دوحہ میں جاری کردہ اعلامیے میں کہا گیا ہے کہ غزہ میں جنگ بندی کی راہ میں حائل رکاوٹیں دور ہوگئی ہیں۔ امید ہے مذاکرات کے اس دور میں طے شدہ نکات پر جنگ بندی معاہدہ ہو جائے گا۔جنگ بندی کے معاہدے کو حتمی شکل دینے کی کوشش کی جارہی ہے۔ تمام وفود اگلے ہفتے کے اختتام سے پہلے دوبارہ ملیں گے۔دوسری جانب ایران کی قیادت نے اسرائیل پر حملہ نہ کرنے کی قطر کی درخواست مسترد کردی ہے۔