تہران (نیشنل ٹائمز) ایران کی جانب سے اسرائیل پر حملہ متوقع ہے، اسی تناظر میں روس کی سلامتی کونسل کے سیکرٹری سرگئی شوئیگو تہران پہنچ گئے ہیں اور انھوں نے ایران کو مکمل تعاون کی یقین دہانی کرا دی ۔غیرملکی خبررساں ادارے کے مطابق روس کی سلامتی کونسل کے سیکرٹری سرگئی شوئیگو کو روس کے زویزڈا ٹیلی ویژن سٹیشن نے پاسداران انقلاب کے ایک سینئر کمانڈر اور سپریم نیشنل سکیورٹی کونسل کے سیکرٹری کی حیثیت سے خدمات انجام دینے والے سینئر کمانڈر ریئر ایڈمرل علی اکبر احمدیان سے ملاقات کرتے ہوئے دکھایا ہے۔ سرگئی شوئیگو، جو مئی میں سلامتی کونسل میں منتقل ہونے سے پہلے روس کے وزیر دفاع تھے، تہران میں ایرانی صدر مسعود پزشکیان ، سپریم قومی سلامتی کونسل کے سکرٹری اور جنرل سٹاف کے سربراہ سے ملاقات کریں گے۔