پشاور(نیشنل ٹائمز) صوبائی دارلحکومت پشاور میں پاکستان ہیومن رائٹس ڈسٹرکٹ پشاور کا فوج کے حق میں مظاہرہ کیا گیا۔پاک فوج کے حق میں کیا جانے والا مظاہرہ پریس کلب کے باہر کیا گیا جس میں سینکڑوں افراد نے شرکت کی، مظاہرین کی پاک فوج اور عسکری اداروں کے حق میں نعرے بازی کی۔مظاہرین کا کہنا تھا کہ پاک فوج کو متنازعہ بنانا ملک کو نقصان پہنچانا ہے۔ جنرل عاصم منیر کی قیادت میں ملکی دفاع ناقابل تسخیر ہے۔مظاہرے سے خطاب کرتے ہوئے واجد مومند کا کہنا تھا کہ ہم سب پاک فوج کے شانہ بشانہ کھڑے ہیں ۔ملک دشمن عناصر عسکری اداروں کو کمزور کرنا چاہتے ہیں۔واجد مومند کا کہنا تھا کہ بعض عناصر ملک میں انتشار پھیلانا چاہتے ہیں۔ ملک میں افراتفری کو فروغ دینا کسی کے مفاد میں نہیں۔ مظاہرین کا کہنا تھا کہ ملک کو کمزور کرنے کی کوششوں کو ناکام بنائیں گے۔