لاہور (نیشنل ٹائمز) معروف لکھاری، ہدایتکار و شاعر خلیل الرحمان قمر کو گھر بلا کر اغوا کروانے والی خاتون نے بیان ریکارڈ کروانے کے ساتھ چیٹ کے اسکرین شاٹز بھی فراہم کردیے۔ملزمہ نے خلیل الرحمان قمر پر الزام لگایا ہے کہ وہ ان سے میسجز پر فلرٹ کر رہے تھے۔ خاتون کا بیان ریکارڈ کرنے کے بعد پولیس کیس کے تمام پہلوں کی جانچ پڑتا کر رہی ہے۔ سوشل میڈیا پر خلیل الرحمان اور ملزمہ کے درمیان ہونے والی واٹس ایپ گفتگو کے اسکرین شاٹس بھی زیرِ گردش ہیں جن میں خلیل الرحمان فلرٹ کرتے نظر آرہے ہیں۔ زیرِ گردش اسکرین شاٹس میں خلیل الرحمان خاتون کی خوبصورتی اور آواز کی تعریف کرتے نظر آرہے ہیں اور یہ بھی کہتے دکھ رہے ہیں کہ خود کو مجھے سونپ دو پھر دیکھو کیا کمال ہوتا ہے، میں تم پر کچھ لکھنا چاہتا ہوں۔ میسجز سین نہ ہونے پر وہ خاتون سے یہ بھی پوچھتے دکھے کہ کہیں خاتون ان سے ناراض تو نہیں ہوگئی ہیں۔