اسلام آباد (نیشنل ٹائمز) وفاقی حکومت نے سوشل میڈیا پر ریاستی اداروں کے خلاف پروپیگنڈے کی روک تھام کے سلسلے میں نیکسٹ جنریشن فائر والز کی تنصیب کے لیے بولیاں طلب کر لیں ۔ میڈیارپورٹ کے مطابق فیصلے کے تحت انٹرنیٹ سروس فراہم کرنے والی کمپنیوں پر نیکسٹ جنریشن اور ایپلیکیشن فائر والز نصب کی جائے گی، نیکسٹ جنریشن فائر وال ڈیپ پیکٹ انسپکشن کی صلاحیت کی حامل ہوگی۔حکومتی فیصلے کے تحت نیکسٹ جنریشن فائر وال سے ریئل ٹائم ڈیٹا کی مانیٹرنگ ہوسکے گی، یو آر ایل فلٹرنگ، ایپلیکیشن کنٹرول اور مالویئر پروٹیکشن ہوسکے گی، نیکسٹ جنریشن فائر وال سائبر سیکیورٹی خطرات کے خلاف پیشگی اقدامات کرسکے گی۔فیصلے سے ویب ایپلی کیشن فائر وال ویب اپلیکشنز کے ڈیٹا مانیٹرنگ اور فلٹرنگ کرسکے گی۔پاکستان ٹیلی کمیونی کیشن اتھارٹی (پی ٹی اے ) نے پیپرا کے ای پیڈ سسٹم کے تحت الیکٹرانک بولیاں طلب کی ہیں۔ ترجمان پی ٹی اے کی جانب سے فائر والز کی تنصیب کی بولی سے متعلق جواب دینے سے گریز کیاگیا ۔