غزہ (نیشنل ٹائمز) غزہ کی پٹی پر ایک دن کے دوران اسرائیلی فضائی حملوں میں 5فلسطینی صحافی مارے گئے،غیر ملکی میڈیاکے مطابق 6جولائی کو نصیرت پناہ گزین کیمپ پر اسرائیلی حملوں میں 3صحافی مارے گئے، مرنے والے صحافیوں میں ایک صحافی جوڑا امجد جاہ، وفا ابو دابان اور ان کے بچے اور صحافی رزق ابو شکیان شامل تھے،دوسری جانب غزہ شہر میں جمعہ کے روز ڈیپ شاٹ میڈیا کمپنی کے صحافی سعدی مادوخ اور احمد سوکر بھی اسرائیلی حملے میں جانبر نہ رہ سکے،اسرائیلی فضائی حملوں میں ایک دن کے اندر 5فلسطینی صحافیوں کے جان سے جانے پر گلوبل نیٹ ورک فار انڈیپنڈنٹ میڈیا نے افسوس کا اظہار کیا ہے،گلوبل نیٹ ورک فار انڈیپنڈنٹ میڈیا کے مطابق مرنے والے بعض صحافیوں اور میڈیا آوٹ لیٹس پر اسرائیلی حملے جان بوجھ کر کیے گئے۔
غزہ، اسرائیلی حملوں سے ایک دن میں 5فلسطینی صحافی مارے گئے
