کراچی (نیشنل ٹائمز) فلمسٹار ریما خان کو ایک بار پھر لیجنڈری موسیقار سجاد علی نے اپنی تعریفیں کرنے پر مجبور کردیا۔انہوں نے سجاد علی کے ساتھ تصویر جاری کی اور ساتھ ہی طویل کیپشن میں لکھا کہ میں صرف یہ بتانا چاہتی ہوں کہ سجاد علی کس قدر باصلاحیت ہے، اس کی جادوئی آواز ہم سب کو ہی اپنے سحر میں جکڑ لیتی ہے۔اداکارہ ریما نے کہا کہ سجاد علی اپنی موسیقی اور آواز سے ہمارے دلوں کو چھو لیتا ہے، موسیقی سے سجاد کا جذبہ اور لگن اسکی ہر پرفارمنس میں واضح طور پر دکھتا ہے، اور یہ یقینی بات ہے کہ موسیقی میں اس جیسا کوئی نہیں ہے۔ریما نے یہ بھی لکھا کہ مجھے سجاد علی کو اپنا دوست کہنے اور اس کے سفر کا گواہ ہونے پر بہت فخر ہے۔ اپنے کیپشن کے آخر میں انہوں نے سجاد علی کیلئے خاص طور پر لکھا کہ چمکتے رہیں اور اپنے گانوں کو دنیا کے لیے ایک تحفہ کے طور پر بانٹتے رہیں، آپ کے پاس کائیکی کی خداد صلاحیت ہے جس کی جتنی تعریف کی جائے کم ہے۔ان تصاویر پر کمنٹ کرتے ہوئے صارفین کا کہنا ہے کہ دو لیجنڈز ایک فریم میں، دیکھ کر دل خوش ہوگیا۔