راولپنڈی (نیشنل ٹائمز) سربراہ عوامی مسلم لیگ شیخ رشید کا کہنا ہے کہ عمران خان ضمنی الیکشن میں بھاری اکثریت سے جیت جائیں گے،اگلے اتوار تک عمران خان کال دیں گے۔ملکی تاریخ میں موجودہ حکومت کی الٹی گنتی کے اہم دن شروع ہو گئے۔دھاندلی کا سماں ہے اور 13 جماعتوں کا اتحاد ہے۔ میڈیا رپورٹس کے مطابق شیخ رشید نے پریس کانفرنس کرتے ہوئے کہا کہ اٹامک اتھارٹی نے تسلیم کیا کہ پاکستان کے ایٹمی اثاثے محفوظ ہیں،پاکستان کے ایٹمی طاقت ہونے پر سب کو فخر ہے۔
دنیا تسلیم کرتی ہے کہ پاکستان کا ایٹم بم محفوظ ہاتھوں میں ہے۔بلاول بھٹو کہتا ہے کہ سرسری سا بیان تھا،کوئی کانفرنس نہیں کی جوبائیڈن کے بیان پر اتنا بھونڈا جواب نہیں دینا چاہیے۔ انکا کہنا تھا کہ قومی سلامتی کے ایشو پر قوم حکومت کے غیر ذمہ دارانہ بیان کے ساتھ کھڑی نہیں ہوگی۔

13جماعتیں ہیں ایک دستانے پہنا ہوا ہاتھ ہے لیکن پھر بھی عمران جیتے گا۔

جومنی لانڈرنگ میں مصروف ہیں انہیں ان کی حکومت جانے کا آج پیغام مل جا ئے گا۔مولانا فضل الرحمان دم کرا رہے ہیں،جو دم پر یقین نہیں رکھتے۔ انہوں نے کہا کہ صاف اور شفاف الیکشن کے لیے عوام منتظر ہیں۔عمران خان کے ساتھ کھڑے ہوں گے چور چور بین الاقوامی نعرہ ہے،آج آپ باہر نہیں نکل سکتے۔ دوسری جانب متروکہ وقف املاک بورڈ نے عوامی مسلم لیگ کے سربراہ شیخ رشید اور ان کے بھائی شیخ صدیق کو لال حویلی خالی کرنے کا نوٹس جاری کر دیا۔
متروکہ وقف املاک بورڈ نے شیخ رشید اور انکے بھائی کی جائیداد سے بے دخلی کا نوٹس جاری کیا ہے۔ڈپٹی ایڈمنسٹریٹر کے مطابق لال حویلی سمیت متروکہ وقف کی 7 اراضی یونٹس کی متعدد سماعتیں ہو چکی ہیں،شیخ رشید اور انکے بھائی کوئی مستند دستاویزات پیش نہیں کر سکے۔ ذرائع کا حوالہ دیتے ہوئے مزید رپورٹ کیا گیا کہ ایف آئی اے کو بھی کارروائی میں شامل کا فیصلہ کیا گیا۔شیخ رشید کو جلد ایف آئی اے میں بھی بلائے جانے کا امکان ہے،شیخ رشید کو متروکہ وقف املاک کی اراضی پر قبضہ کرنے کے الزام میں بلایا جائے گا۔