واشنگٹن(نیشنل ٹائمز)امریکی صدر جوبائیڈن نے کہاہے کہ میرا خیال ہے پاکستان ممکنہ طور پر خطرناک ممالک میں سے ایک ہے ، پاکستان کا ایٹمی پروگرام بے قاعدہ ہے۔تفصیلات کے مطابق امریکی صدر نے ڈیموکریٹک کانگریشنل کمپین کمیٹی کے استقبالیہ سے خطاب میںروس اور چین کے حوالے سے گفتگو میں پاکستان پر بھی بات کی۔
جوبائیڈن نے کہاکہ پاکستان کے جوہری ہتھیار میں کوئی باضابطگی اور ہم آہنگی نہیں۔امریکی صدر کا مزید کہنا تھا کہ چینی صدر کو معلوم ہے کہ انہیں کیا چاہیے لیکن ان کے ساتھ بے شمار مسائل ہیں۔ روس میں کیا ہورہا ہے اور دنیا کے خطرناک جوہری ممالک میں سے ایک پاکستان میں کیا ہورہا ہے اور امریکا کو کس طرح اس سب کو دیکھنا اور ہینڈل کرنا ہے یہ اہم ہے۔انہوں نے مزید کہا کہ بہت کچھ ہورہا ہے لیکن اس میں امریکا کے لیے مواقع بھی ہیں کہ وہ صورتحال کو تبدیل کرسکے۔امریکی صدر جوبائیڈن کا کہناتھا کہ دنیا تیزی سے بدل رہی ہے اور ممالک اپنے اتحاد پر نظر ثانی کر رہے ہیں، اور اس معاملے کی سچائی یہ ہے کہ میں حقیقی طور پر اس پر یقین رکھتا ہوں کہ دنیا ہماری طرف دیکھ رہی ہے۔
کوئی مذاق نہیں۔یہاں تک کہ ہمارے دشمن بھی یہ جاننے کے لیے ہماری طرف دیکھ رہے ہیں کہ ہم یہ کیسے حل کرتے ہیں، ہم کیا کرتے ہیں۔جوبائیڈن نے زور دیتے ہوئے کہا کہ بہت کچھ داو¿ پر لگا ہوا ہے، امریکہ کے پاس دنیا کو ایسی جگہ پر لے جانے کی صلاحیت ہے جو پہلے کبھی نہیں تھی۔امریکی صدر کا کہناتھا کہ چین روس، انڈیا اور پاکستان کے مقابلے میں اپنا کردار جاننے کی کوشش کر رہا ہے۔اپنے چینی ہم منصب کے بارے میں بات کرتے ہوئے، امریکی صدر نے انہیں ایک ایسا شخص قرار دیا جو جانتا تھا کہ وہ کیا چاہتے ہیں لیکن ان کے پاس “بہت زیادہ” مسائل ہیں۔
