اسلام آباد (نیشنل ٹائمز)وزیراعظم شہباز شریف نے تھرپارکر میں خواتین ڈمپر ٹرک ڈرائیورز سے ملاقات کی اور ان کی ہمت اور لگن کے جذبے کو سراہا۔وزیراعظم شہباز شریف تھرکول فیز ٹو کے منصوبے کی افتتاحی تقریب کے لیے تھر پہنچے جہاں انہوں نے منصوبے پر کام کرنے والی خواتین ڈمپر ٹرک ڈرائیورز سے ملاقات کی۔ اس موقع پر وزیر خارجہ بلاول بھٹو زرداری بھی موجود تھے۔مسلم لیگ ن کے آفیشل ٹوئٹر اکاؤنٹ سے وزیراعظم شہباز شریف کی خواتین ڈرائیورز سے ملاقات کی ویڈیو بھی شیئر کی گئی ہے۔وزیراعظم شہباز شریف نے خواتین ڈمپر ڈرائیورز کی ہمت اور لگن کے جذبے کی تعریف کی جبکہ وزیراعلیٰ سندھ نے بھی خواتین ڈرائیورز کو سراہا۔
تھرپارکر: وزیراعظم کی خواتین ڈمپر ٹرک ڈرائیور سے ملاقات، ہمت اور لگن کے جذبے کو سراہا
