اسلام آباد(نیشنل ٹائمز)مشیر اطلاعات پنجاب عمرسرفراز چیمہ نے کہا ہے کہ وزیراعظم اور ان کی ٹیم حقائق مسخ کر کے عوام کو گمراہ کرنے کی کوشش کرتی ہے۔انھوں نے کہا کہ جب عمران خان کی حکومت ختم کی گئی اس وقت جی ڈی پی میں اضافے کی شرح 5.96 فی صد تھی۔عمر سرفراز چیمہ نے کہا کہ عمران خان جھوٹے پرچوں کا بھی مقابلہ کر رہا ہے اور سیلاب زدگان کی مدد کیلئے فنڈ ریزنگ بھی کر رہا ہے۔’حکومت سفاکیت کی تمام حدیں پار کرتے ہوئے عوام کو زندہ درگور کرنے پر تل گئی ہے‘ان کا کہنا تھا کہ ہم نے پہلے دن سے تمام وسائل سیلاب زدگان کیلئے وقف کیے ہوئے ہیں، سیلاب کے حوالے سے پنجاب میں دیگر صوبوں کی نسبت بہتر کام ہو رہا ہے۔