اسلام آباد(نیشنل ٹائمز)پاکستان تحریک انصاف (پی ٹی آئی) کے رہنما فواد چوہدری نے لابی فرم کی خدمات کے حوالے سے وضاحت کر دی۔اپنی ٹوئٹ میں فواد کا کہنا تھاکہ یہ لابی فرم نہیں ہے بلکہ میڈیا ریلیشن شپ فرمکی خدمات میڈیا میں اپنے نقطہ نظر کو اجاگر کرنے کیلئے حاصل کی ہیں۔ان کا کہنا تھاکہ ان کمپنیوں کا کام ہوتا ہے وہ میڈیا اور پارٹی میں تعلقات بنائیں۔خیال رہے کہ پاکستان تحریک انصاف (پی ٹی آئی) کی جانب سے امریکا میں لابنگ فرم کی خدمات حاصل کرنے کا انکشاف ہوا ہے۔دستاویز کے مطابق پی ٹی آئی نے 6 ماہ کیلئے 25 ہزار ڈالر ماہانہ پرلابنگ فرم فینٹن آرلوک کی خدمات حاصل کیں اور معاہدے کے تحت کمپنی پی ٹی آئی کو پبلک ریلیشنز سروسز فراہم کرے گی۔