اسلام آباد(نیشنل ٹائمز)چین اور برطانیہ کے درمیان ڈیڑھ سال سے بند براہ راست پروازیں بحال کرنے پر اتفاق ہوگیا ہے۔چین میں برطانوی سفارتخانے کا کہنا ہے کہ دونوں ممالک کے درمیان براہ راست مسافر پروازیں بحال کی جا رہی ہیں۔براہ راست پروازیں فی الحال چینی ایئرلائنز کے ذریعے ہوں گی، برطانوی ایئرلائن سے چین کیلئے پروازوں کا سلسلہ ابھی زیرغور ہے۔خیال رہے کہ چین نے کورونا وبا کے باعث 2020 کے اوآخر میں برطانیہ سے براہ راست پروازیں معطل کر دی تھیں۔