اسلام آباد(نیشنل ٹائمز)یوکرین سے اناج سے لدا پہلا بحری جہاز آج اوڈیسا کی بندرگاہ سے روانہ ہو گیا۔استنبول میں قائم جوائنٹ کوآرڈینیشن سینٹر کے مطابق یوکرین سے روانہ ہونے والے پہلے بحری جہاز پر 26 ہزار ٹن سے زائد مکئی لدی ہے۔جوائنٹ کوآرڈینیشن سینٹر نے کہا کہ یوکرین سے آنے والا بحری جہاز 2 اگست کو ترکی پہنچے گا، بحری جہاز انسپیکشن کے بعد تریپولی روانہ ہو گا۔اقوام متحدہ کے سیکریٹری جنرل کا یوکرین سے اناج سے لدے جہاز کی روانگی کا خیرمقدماقوام متحدہ کے سیکریٹری جنرل انتونیو گوتریس نے یوکرین سے اناج سے لدے جہاز کی روانگی کا خیرمقدم کیا ہے۔یوکرینی شہر میکو لائیف پر روس کا میزائل حملہ، اناج کا سب سے بڑا تاجر ہلاکخبر ایجنسی کے مطابق اقوام متحدہ کے سیکریٹری جنرل انتونیو گوتریس کے ترجمان کا کہنا ہے کہ امید ہے معاہدے کے مطابق یوکرین سے اناج کی برآمدگی کا سلسلہ شروع ہوجائے گا۔ترجمان کا یہ بھی کہنا ہے کہ یوکرین سے اناج برآمدگی کی بحالی سے عالمی غذائی ضروریات کی صورت حال مستحکم ہو گی۔واضح رہے کہ روس اور یوکرین کے درمیان یوکرینی اناج برآمدگی معاہدہ پچھلے ہفتے اقوام متحدہ اور ترکی کی ثالثی میں طے ہوا تھا۔