سابق امریکی صدر ڈونلڈ ٹرمپ تقریباً ڈیڑھ سال بعد آج واشنگٹن پہنچیں گے۔امریکی میڈیاکے مطابق ڈونلڈ ٹرمپ اپنے عہدے سے سبکدوش ہونے کے بعد پہلی بار آج واشنگٹن پہنچیں گے۔میڈیا کے مطابق ٹرمپ واشنگٹن میں منعقدہ کانفرنس سے خطاب کریں گے اور کیپیٹل ہل کی عمارت پر ہوئے حملے کی تحقیقاتی کمیٹی کے حوالے سے بھی بات کریں گے۔امریکی میڈیا کا کہنا ہے کہ کیپیٹل ہل پر حملے کی تحقیقاتی کمیٹی کی سماعت آخری مراحل میں ہے۔واضح رہے کہ کیپیٹل ہل پر جنوری 2021ء میں سابق امریکی صدر ڈونلڈ ٹرمپ کےحامیوں نے دھاوا بول کر پرتشدد مظاہرہ کیا تھا۔