لاہورر(نیشنل ٹائمز): سابق وفاقی وزیر اور (ق) لیگ کے رہنما مونس الٰہی نے چوہدری شجاعت حسین سے اپنے فیصلے پر نظر ثانی کی درخواست کردی۔لاہور میں میڈیا سے گفتگو کرتے ہوئے مونس الٰہی نے کہا کہ ’ چوہدری شجاعت سے خط کے حوالے سے بات ضرور ہوئی تھی، ان سے پوچھا تھا کہ آپ نے کوئی خط لکھا ہے جس پر انہوں نے کہا خط لکھا ہے اور یہ لکھا ہےکہ (ق) لیگ والے کسی کو ووٹ نہ دیں ‘۔لیگی رہنما نے کہا کہ ’ میں نے چوہدری شجاعت سے کہا کہ آپ کا دل ہے کہ پرویز الٰہی ابھی الیکشن نہ جیتیں، اس پر انہوں نے کہا کہ نہیں چاہتا ہوں پرویز الٰہی وزیراعلیٰ ضرور بنیں لیکن عمران کے نہ بنیںمونس الٰہی کا کہنا تھا کہ ’چوہدری شجاعت پر کمرے میں اور کوئی پریشر بہت زیادہ تھا جس وجہ سے انہوں نے معذرت کی تو میں نے بھی معذرت کرلی اور میں سلام کرکے نکل آیا‘۔لیگی رہنما نے مزید کہا کہ چوہدری شجاعت اور چوہدری سالک سے ابھی کوئی رابطہ نہیں۔