اسلام آباد (نیشنل ٹائمز)اسپین کی حکومت نے ریل گاڑی سے مفت سفر کی سہولت فراہم کرنے کا اعلان کیا ہے۔ اسپین میں حکومت نے مہنگائی کی شرح میں اضافے کے باعث سرکاری پبلک ٹرانسپورٹ کے کرایوں کو پہلے ہی 50 فیصد کم کر دیا ہے مگر اب متعدد ٹرینوں میں مفت سفر کی سہولت متعارف کرائی جا رہی ہے۔حکومت کی جانب سے اعلان کیا گیا ہے کہ اب پبلک ٹرین نیٹ ورک رینفی کی متعدد ٹرینوں میں مسافر مفت سفر کر سکیں گے۔اسپین کے وزیرِ اعظم پیڈرو سانچیز نے اعلان کیا ہے کہ ٹرینوں میں لوکل اور درمیانے فاصلے کے سفر مفت ہوں گے۔انہوں نے کہا ہے کہ یہ سہولت یکم ستمبر سے 2022ء کے آخر تک عوام کو دستیاب ہو گی۔اس سفر کے لیے ایک ہی شرط ہے کہ مسافروں کو ملٹی جرنی ٹکٹ لینا ہو گا اور ایک بار کے سفر کے ٹکٹ یا طویل فاصلے کے سفر پر یہ سہولت دستیاب نہیں ہو گی۔