اسلام آباد (نیشنل ٹائمز)پاکستانی اداکار یاسر حسین نے معروف شاعر جون ایلیا، سماجی کارکن عبدالستار ایدھی اور سابق صدرِ پاکستان آصف علی زرداری کے کردار نبھانے کی خواہش کا اظہار کر دیا۔ جیو نیوز کے شو “ایک دن جیو کے ساتھ” کے ٹیزر میں یاسر حسین اور میزبان سہیل وڑائچ مختلف موضوعات پر گفتگو کرتے دکھائی دیے۔ جب ان سے سوال کیا گیا کہ وہ کس سیاسی پارٹی کی حمایت کرتے ہیں تو اس کے جواب میں انہوں نے کہا کہ “انہیں صرف ڈانس پارٹی” پسند ہے۔ پروگرام میں یاسر نے یہ بھی بتایا کہ وہ مچھلی، کڑھائی اور پلاؤ اچھا بنا لیتے ہیں۔ اپنے بہترین کیریئر کا سہرا انور مقصود کو دیتے ہوئے یاسر کا کہنا تھا کہ میں آج جس مقام پر ہوں اس میں انور صاحب کے ساتھ کیے کام اور ان کے ساتھ گزارے وقت کا سب سے بڑا ہاتھ ہے۔ جب ان سے سوال کیا گیا کہ انہوں نے اہلیہ اقرا عزیز کے اہل خانہ کو آسانی سے منا لیا تھا؟ تو اس کے جواب میں یاسر نے کہا کہ ان کی منانے کی صلاحیت اچھی ہے۔