اسلام آباد (نیشنل ٹائمز):جاپان کے سابق وزیر اعظم شنزو ابے قاتلانہ حملے میں شدید زخمی ہو گئے۔غیر ملکی خبر ایجنسی کے مطابق فائرنگ کے واقعے میں زخمی ہونے والے سابق جاپانی وزیراعظم کو اسپتال منتقل کر دیا گیا ہے۔خبر ایجنسی کے مطابق شنزو ابے پر حملے کے وقت فائرنگ کی آواز سنائی دی، شنزو ابے پر حملے کے فوری بعد ایک مشکوک شخص کو حراست میں بھی لیا گیا ہے۔مقامی میڈیا کے مطابق بتایا گیا ہے کہ شنزو ابے ہوش میں نہیں ہیں، انہیں دل کا دورہ بھی پڑا ہے۔حکام کے مطابق شنزو ابے کو دو گولیاں لگی ہیں اور ان کی حالت خطرے میں ہے، طبی عملہ سابق جاپانی وزیراعظم کی مکمل دیکھ بھال کر رہا ہے۔
یاد رہے کہ شنزو ابے پہلے 2006 سے 2007 اور پھر 2012 سے 2020 تک جاپان کے وزیراعظم رہے۔