اسلام آبا (نیشنل ٹائمز):د: سندھ حکومت کا بجٹ آج پیش کیا جائے گا، 1713 ارب کے بجٹ میں سالانہ ترقیاتی منصوبوں کیلیے 459 ارب، تعلیم کے لیے 326 ارب، صحت کے لیے 219 ارب، پنشن کے لیے 174 ارب روپے اور امن و امان کے لیے 152 ارب روپے مختص کیے گئے ہیں۔سندھ حکومت نے آئندہ مالی سال 22-23ء کے لیے بجٹ تیار کرلیا جس کی دستاویز سامنے آگئیں۔ بجٹ آج وزیراعلیٰ سندھ مراد علی شاہ پیش کریں گے جس کی وفاقی کابینہ منظوری دے چکی ہے۔سندھ حکومت کے بجٹ کا حجم 1713 ارب 58 کروڑ روپے ہے جس میں سالانہ مجموعی ترقیاتی پروگرام کے لیے 459 ارب، تعلیم کے لیے 326 ارب روپے اور صحت کے لیے 219 ارب روپے کا تخمینہ لگایا گیا ہے۔ ریٹائرڈ ملازمین کی پنشن کے لیے 174 ارب روپے مختص کیے گئے ہیں۔ زراعت کی بہتری پر 24 ارب روپے خرچ ہوں گے اور لوکل گورنمنٹ کے لیے 78.59 ارب روپے مختص ہیں۔