اسلام آباد(نیوزڈیسک)ملک میں پاک فوج کیخلاف نفرتیں پیدا کرنے کا گھنائونا کھیل کھیلا جارہا ہےجبکہ ایسے میں پاکستان کے دشمن جشن منا رہے ہیں اور پاکستانی عوام کو فوج کیساتھ لڑتا دیکھ کر خوش ہورہے ہیں۔تفصیلات کے مطابق سوشل میڈیا پر ایک ویڈیو گردش کر رہی ہےجس میںسابق بھارتی میجرگاروو آریا کہتا ہے کہ عمران خان تو ہمارا کام کر رہاہے ، بنا گولی چلائے ، بنا بھارت کی فنڈنگ کے ، بھارت کا ایک پیسہ نہیں لگا ، ، پاکستانی عوام پاکستانی فوج کو پاکستان کے اندر گالی دے رہی ہے-بھارتی تجزیہ گار ریٹائرڈ میجر نے کہا کہ ہم ہندوستان ہزار کروڑ روپے بھی خرچ کر لیتے تو پاکستان میں یہ نہیں کروا سکتے تھے ، ہماری فوج یا ایجنسیاں یہ نہیں کر وا سکتی تھیں کہ پاکستان کے اندر ایک عام آدمی اٹھ کر آرمی چیف اور فوج کو گالیاں دے ، جو آدمی گالیاں دلوا رہاہے ، وہ جو بندہ ہے اس کے خلاف انڈیاہے ؟ ارے عمران خان توہمارا سب سے اچھا دوست ہے ۔بھارتی میڈیا پر ہر وقت پاکستان کے خلاف ہرزہ سرائی کرنے والے میجر گورو آریہ کے خیال میں عمران خان بھارت کا بہترین دوست ہے کیونکہ اس شخص کی وجہ سے پاکستان کے اندر پاکستان کی فوج کے خلاف گالی گلوچ ہو رہی ہے۔