اسلام آباد (نیشنل ٹائمز)وزیر دفاع خواجہ محمد آصف نے دعویٰ سے کہا ہے کہ چیئرمین پی ٹی آئی عمران خان پاک فوج سے پھر رجوع کی کوشش کر رہے ہیں۔جیو نیوز کے پروگرام ’آج شاہزیب خانزادہ کے ساتھ‘ میں گفتگو کے دوران خواجہ محمد آصف نے کہا کہ عمران خان اس وقت حواس باختہ ہیں۔انہوں نے کہا کہ پی ٹی آئی چیئرمین شکست خوردہ ہیں، ان کے پلے کچھ بھی نہیں، وہ پاک فوج سے پھر رجوع کرنے کی کوشش کر رہے ہیں۔وزیر دفاع نے مزید کہا کہ میں سیاسی مخالفین کو گرفتار کرنے کے حق میں نہیں ہوں، میرا نہیں خیال کہ عمران خان کو کوئی گرفتار کرے گا۔مصدق ملک نے آئی ایم ایف سے معاہدے میں وقت لگنے کی وجہ بتادیاُن کا کہنا تھا کہ عمران خان کے حالیہ بیانات سے ان کی ذہنی کیفیت پر شک ہوتا ہے، 4 سال کا ملبہ آسانی سے صاف نہیں ہونے والا۔خواجہ محمد آصف نے یہ بھی کہا کہ شیخ رشید 23، 22 سال سے ڈیڈ لائن دے رہے ہیں، اُن کی 45 دن کی ڈیڈ لائن بھی ماضی کی طرح کی ہے۔انہوں نے کہا کہ مارکیٹیں جلدی بند ہونے سے بجلی کی بچت ہوگی۔ مشکل فیصلوں سے ہماری مقبولیت میں کمی آئی ہے، ان فیصلوں کے نتائج سے مقبولیت واپس آجائے گی۔اُن کا کہنا تھا کہ مشکل حالات میں آئندہ 20 سے 25 دنوں میں کمی آنا شروع ہو جائے گی، میری خواہش ہے پی ڈی ایم کا یہ اتحاد آئندہ الیکشن میں بھی ایڈجسٹمنٹ کرے۔ اتحادی حکومت کو مشاورت سے چلا رہے ہیں۔