اسلام آباد(نیشنل ٹائمز)جرمنی کے دارالحکومت برلن میں کار سوار نے ہجوم پر گاڑی چڑھا دی جس سے ایک شخص ہلاک جبکہ 30 زخمی ہوگئے۔خبر رساں ادارے سے بات کرتے ہوئے فائر سروس کے ترجمان نے بتایا کہ واقعے میں 30 افراد زخمی ہوئے ہیں۔پولیس کا کہنا ہے کہ ایک کار بےقابو ہو کر ہجوم میں گھس گئی، اس بات کا تعین نہیں ہوسکا کہ یہ حادثہ تھا یا جان بوجھ کر کیا گیا، ڈرائیور کو گرفتار کرلیا گیا ہے۔یہ واقعہ اُسی مقام پر ہوا ہے جہاں 19 دسمبر 2016 کو ایک دہشتگرد نے ہجوم پر ٹرک چڑھا دیا تھا۔6 برس قبل ہونے والے اس حادثے میں کرسمس کی خریداری کرنے والے 11 شہری ہلاک اور درجنوں زخمی ہوئے تھے۔