اسلام آباد(نیشنل ٹائمز)مسلم دشمنی کو شہ دینے والے بھارتی وزیراعظم نریندر مودی کو او آئی سی اور سعودی عرب سمیت مختلف ملکوں کی جانب سے مذمتوں کا سامنا ہے۔اسلامی تعاون تنظیم (او آئی سی) نے اپنے مذمتی بیان میں کہا ہے کہ توہین آمیز بیان دینے والوں کی پشت پناہی کرنے والوں کا احتساب کیا جائے۔حکمراں جماعت بی جے پی کی ترجمان کی ہرزہ سرائی پر مسلم دنیا میں اشتعال بڑھنے لگا ہے۔ایران، قطر اور کویت میں بھارتی سفیروں کو طلب کرکے بی جے پی ترجمان کی گستاخی پر شدید احتجاج کیا گیا۔بھارتی سیاست دانوں کے توہین آمیز ریمارکس پر انڈونیشی وزارت خارجہ نے بھی شدید مذمت کرتے ہوئے مذمتی پیغام جکارتہ میں بھارتی سفیر کو پہنچا دیادوسری جانب سعودی عرب، بحرین اور کویت میں بائیکاٹ انڈیا کی مہم زور پکڑ رہی ہے۔ سپر اسٹورز سے احتجاجاً بھارتی اشیاء ہٹادی گئیں۔مفتی اعظم عمان احمد بن حمد الخليلی نے بھی بھارتی اشیاء کے بائیکاٹ کی اپیل کی ہے۔