اسلام آباد (نیشنل ٹائمز) محکمہ موسمیات کے مطابق آئندہ 4 سے 5 روز کے دوران ملک کے بیشتر علاقوں میں دن کے وقت درجہ حرارت میں غیر معمولی اضافے کا امکان ہے ۔

تفصیلات کے مطابق محکمہ موسمیات نے الرٹ جاری کر دیا ہے جس میں کہا گیا ہے کہ شہری غیر ضروری طور پر دھوپ میں نکلنے سے گریز کریں اور ہیٹ سٹروک سے بچاؤ کے لیے احتیاطی تدابیر اختیار کریں۔

محکمہ موسمیات کے حکام کا کہنا ہے کہ گرمی کی شدید لہر کے بعد ملک کے بالائی اور وسطی علاقوں میں بارش کا سلسلہ داخل ہونے کا امکان ہے جس سے گرمی کی شدت میں کمی آئے گی۔