اسلام آباد(نیشنل ٹائمز)نارتھ اٹلانٹک ٹریٹی آرگنائزیشن (نیٹو) میں شمولیت کیلئے سویڈن اور فن لینڈ نے باقاعدہ طور پر درخواست جمع کروا دی ہے۔رپورٹس کے مطابق دونوں ممالک کی جانب سے یہ درخواست نیٹو میں موجود ان کے سفیروں نے نیٹو سیکریٹری جنرل جینز اسٹولٹنبرگ کے حوالے کی۔اس موقع پر گفتگو کرتے ہوئے نیٹو سیکریٹری جنرل جینز اسٹولٹنبرگ نے دونوں درخواستوں کو قبول کرتے ہوئے اسے یورپین دفاع کے حوالے سے بڑا دن قرار دیا۔فن لینڈ کی پارلیمنٹ نے نیٹو میں شمولیت کے حق میں فیصلہ دیدیاقبل ازیں سویڈن کی وزیراعظم کا کہنا تھا کہ نیٹو رکنیت بحیرہ بالٹک کے علاقے میں سیکورٹی کو مضبوط کرے گی۔غیرملکی خبر رساں ادارے کے مطابق انہوں نے مزید کہا کہ ہم شمالی یورپ میں سلامتی کے لیے اپنا حصہ ڈال سکتے ہیں۔