اسلام آباد ( نیشنل ٹائمز ) پاکستان تحریک انصاف کے رہنما فیصل واوڈا نے ممبر الیکشن کمیشن سندھ نثار درانی کے خلاف ریفرنس دائر کر دیا ۔

نثار درانی کے خلاف ریفرنس سپریم جوڈیشل کونسل میں دائر کیا گیا، جس میں فیصل واوڈا نے نثار درانی کو بطور ممبر برطرف کرنے کی استدعا کی ۔ریفرنس میں کہا گیا کہ نثار درانی نے آئین کی پاسداری کا حلف اٹھا رکھا ہے ، نثار درانی نے آرٹیکل 214 اور 216 کی خلاف ورزی کی اور حلف کی خلاف ورزی کے مرتکب ہوئے ۔

دائر کردہ ریفرنس میں کہا گیا کہ ممبر الیکشن کمیشن سندھ نثار درانی نے دو عہدے رکھے ہوئے ہیں ، نثار درانی سندھ میڈیکل کالج کے پرنسپل بھی ہیں ، پبلک آفس ہولڈر بیک وقت دو عہدوں کی تنخواہ نہیں لے سکتا ۔