اسلام آباد(نیشنل ٹائمز)مسلم لیگ ن کی رہنما مریم نواز نے ایک بار پھر چیئرمین پاکستان تحریک انصاف عمران خان کو اپنے نشانے پر رکھ لیا۔ایک بیان میں کہا کہ عمران خان پاکستان میں تباہی مچا کر گئے، توشہ خان نے ملکی معیشت ڈبوئی اور غریب کو مہنگائی کی چکی میں پیسا۔مریم نواز کا کہنا تھا کہ ہم نے توشہ خان کو اپنے جرائم سازش کی آڑ میں چھپانے نہیں دینے، مسلم لیگ ن اور شہباز شریف دن رات ملک کو ٹھیک کرنے میں جُتے ہیں، ان شاء اللّہ بہتری آئے گی۔