اسلام آباد ( نیشنل ٹائمز)بھارت میں ایک شخص کو دکان میں گھس کر دکان کے مالک کی اجازت کے بغیر سموسہ کھانے پر قتل کر دیا گیا۔بھارتی میڈیا رپورٹ کے مطابق یہ واقعہ بھارت میں دہلی کے علاقے چھولا کے شنکر نگر میں پیش آیا۔چھولا مندر تھانہ انچارج نے اس شخص کی شناخت ونود اہیروار کے نام سے کی ہے۔انچارج نے بتایا ہے کہ’جب اہیروار ایک دکان میں داخل ہوا اور سموسہ اٹھا کر کھانے لگا تو مالک نے اسے ڈانٹا اور پھر اس کے سر پر ڈنڈا مارا جس سے اہیروار کی موت واقع ہو گئی‘۔اُنہوں نے یہ بھی بتایا ہے کہ ’دکان کے مالک ہری سنگھ اہیروار اور اس کے 20 سالہ بیٹے کو قتل کے الزام میں گرفتار کر لیا گیا ہے‘۔