اسلام آباد ( نیشنل ٹائمز)امریکا کے سابق صدر ڈونلڈ ٹرمپ کا کہنا ہے کہ ٹوئٹر پر واپس آنے کا کوئی ارادہ نہیں چاہے ایلون مسک تاحیات پابندی ہٹا بھی دیں۔امریکی میڈیا سے بات کرتے ہوئے ڈونلڈ ٹرمپ نے کہا کہ اگلے ہفتے سے میں اپنا ’ٹورتھ سوشل پلیٹ فارم‘ استعمال کرنا شروع کردوں گا۔ان کا مزید کہنا تھا کہ میں ٹوئٹر پر نہیں جارہا بلکہ ’ٹورتھ‘ پر ہی رہنا چاہوں گا۔انہوں نے یہ بھی کہا کہ ایلون ایک اچھا آدمی ہے، مجھے امید ہے کہ ایلون مسک ٹوئٹر میں بہتری لے آئے گا، جس کے لیے انہیں نے اس کو خریدا ہے۔خیال رہے کہ ڈونلڈ ٹرمپ کی جانب سے متعدد ٹوئٹس کی گئی تھیں جن میں انہوں نے کیپیٹل ہل پر حملہ کرنے والے لوگوں کو محبِ وطن کہہ کر پکارا تھا، جس کے بعد ٹوئٹر، فیس بک، انسٹاگرام اور دیگر تمام بڑے سوشل میڈیا پلیٹ فارمز نے ان پر پابندی لگا دی تھی۔ٹورتھ سوشل کیا ہے؟ایک برس قبل ڈونلڈ ٹرمپ پر تمام بڑے سوشل میڈیا پلیٹ فارمز کی جانب سے پابندی عائد کی گئی تھی تو سابق امریکی صدر نے اپنا سوشل میڈیا پلیٹ فارم شروع کرنے کا فیصلہ کیا تھا۔ڈونلڈ ٹرمپ نے ’ٹورتھ سوشل‘ کے نام سے ایک ایپ معتارف کرائی تھی۔ایلون مسک نے 44 ارب ڈالرز میں ٹوئٹر خرید لیاخیال رہے کہ سوشل میڈیا ویب سائٹ ٹوئٹر اور دنیا کے امیر ترین شخص ایلون مسک کے درمیان 44 ارب ڈالر میں فروخت کا معاہدہ طے پا گیا ہے۔معاہدے کے بعد ایلون مسک ٹوئٹر کے واحد سب سے بڑے شیئر ہولڈر بھی بن گئے۔رپورٹس کے مطابق یہ اب تک کسی بھی پرائیویٹ کمپنی کو خریدنے کا سب سےبڑا سودا ہے۔