اسلام آباد ( نیشنل ٹائمز) بھارتی شوبز انڈسٹری کے معروف اداکار ورن دھون کی جانب سے دوست، نوبیاہتا عالیہ بھٹ کی شادی پر ردِ عمل دیا گیا ہے۔ورن دھون اور عالیہ بھٹ کی گہری دوستی کے چرچے تو ہر زبان زد عام رہ چکے ہیں مگر ورن دھون اداکارہ عالیہ بھٹ کی شادی میں نظر نہیں آئے۔گزشتہ روز ورن دھون سے میڈیا کی جانب سے پوچھاگیا کہ وہ اپنی دوست کی شادی پر کیا کہیں گے، وہ یہاں موجود نہیں تھے اور شادی میں شرکت بھی نہیں کی۔ورن دھون جو کہ میڈیا سے بات چیت کر رہے تھے اس سوال پر جَلدی سے عالیہ بھٹ کو محض ’جُگ جُگ جیو‘ کی دعا دے کر گاڑی میں بیٹھ کر چلے گئے۔سوشل میڈیا پر وائرل ہوتے ورن دھون کے اس رد عمل پر انٹرنیٹ صارفین کا کہنا ہے کہ عالیہ بھٹ نے ورن کو دعوت ہی نہیں دی ہوگی جس کا غم اور درد ورن کے جواب میں اور آنکھوں میں دیکھا جا سکتا ہے۔ واضح رہے کہ عالیہ بھٹ اور ورن دھون قریبی دوست رہ چکے ہیں، ان دونوں فنکاروں نے اپنی اداکاری کا آغاز 2012ء میں فلم ’اسٹوڈینٹ آف دا ایئر‘ سے کیا تھا۔