اسلام آباد ( نیشنل ٹائمز) پاکستانی لیجنڈز معین اختر اور انور مقصود کی’سیاستدانوں کی ڈگریوں‘ پر آج کل دلچسپ ویڈیو سوشل میڈیا پر وائرل ہے۔سوشل میڈیا پر وائرل اس مختصر سی ویڈیو میں یہ دونوں فنکار سیاستدانوں کی تعلیم، ڈگریوں پر طنز اور میٹرک، بی اے پر تکرار کرتے ہوئے نظر آ رہے ہیں۔پاکستان کے ہر دلعزیز کامیڈین، معین اختر نے اس ویڈیو میں خواجہ سرا کا روپ دھارا ہوا ہے جو میٹرک سے قبل ہی بی اے کی تعلیم حاصل کرنے کا خواہشمند ہے۔ویڈیو میں دیکھا جا سکتا ہے کہ انور مقصود انٹریو کرتے ہوئے معین اختر (خواجہ سرا کے کردار) سے پوچھتے ہیں کہ آپ میٹرک سے قبل بی اے کیسے کر سکتے ہیں، یہ جاہلوں والی باتیں نہ کریں، ایسا کرنا نا ممکن ہے۔جس پر خواجہ سرا کا کہنا تھا کہ ’ یہ ایک عام بات، وہ ایسے بہت سارے سیاستدانوں کو جانتی ہیں جو کہ انتخابات سے قبل میٹرک پاس اور الیکشنز کے قریب آتے ہی بی اے پاس ہو جاتے ہیں، جیسے ہمارے سیاستدان میٹرک سے قبل بی اے کی ڈگری حاصل کر لیتے ہیں بالکل ویسے ہی میں بھی بی اے کر لوں گا۔‘