لاہور (نیشنل ٹائمز)ڈپٹی سپیکر پنجاب اسمبلی سردار دوست مزاری نے سیکرٹری اسمبلی کی گورنر پنجاب کو پیش کی گئی رپورٹ مسترد کردی اور سوال کیا کہ معطل شدہ آفیسر کیسے گورنر کو رپورٹ پیش کرسکتا ہے ؟
روزنامہ جنگ کے مطابق ڈپٹی سپیکر کا کہنا ہے کہ سیکرٹری اسمبلی سمیت 4 افسران کو گزشتہ روز معطل کیا جاچکا ہے، اسمبلی میں ہنگامے اور غفلت پر سیکرٹری اسمبلی کو معطل کیا گیا۔ان کا مزید کہنا تھا کہ معطل آفیسرز کو اسمبلی سے متعلق رپورٹ پیش کرنے کا کوئی اختیار نہیں ہے۔