اسلام آباد (نیشنل ٹائمز)نئی پاکستانی حکومت سے آئی ایم ایف حکام نے مذاکرات بحال کرنے کا فیصلہ کر لیا۔ذرائع نے بتایا ہے کہ کل واشنگٹن میں آئی ایم ایف حکام کے نئی حکومت کے حکام سے مذاکرات شروع ہوں گے۔ذرائع کے مطابق مذاکرات میں آئی ایم ایف پروگرام بحال ہونے کے اعلان کا امکان ہے، آئی ایم ایف پاکستان کو ایک ارب ڈالر کی قسط دینے کا فیصلہ کرے گا۔ذرائع کا کہنا ہے کہ آئی ایم ایف نئی پاکستانی حکومت کے تحفظات پر گفتگو کرے گا، سبسڈیز ایمنسٹی اور نئی شرائط پر غور ہو گا۔ذرائع نے بتایا ہے کہ اسلام آباد سے اہم شخصیات مذاکرات میں ورچوئل حصہ لیں گی۔ذرائع نے مزید بتایا ہے کہ سابقہ حکومت نے آئی ایم ایف سے مذاکرات میں 6 ماہ کا عرصہ ضائع کیا تھا۔وزارتِ خزانہ کے ذرائع کے مطابق موجودہ حکومت کی ترجیحات میں معاشی استحکام سرِ فہرست ہے۔