اسلام آباد(نیشنل ٹائمز)پاکستان تحریک انصاف (پی ٹی آئی) کے رہنما فواد چوہدری کا کہنا ہےکہ پاکستان میں استحکام آنا چاہیے، جتنا عدالت میں معاملہ طویل ہوگا اتنا عدم استحکام بڑھے گا، استحکام کی طرف جانے کا واحد طریقہ انتخابات ہیں۔اسلام آباد میں میڈیا سے گفتگو میں فواد چوہدری کا کہنا تھا کہ سپریم کورٹ نے دیکھنا ہے کہ کیا آئین پورا دیکھا جائےگا یا کسی ایک نکتےکو دیکھا جائےگا، کیا آئین کے آرٹیکل 63 اے کی خلاف ورزی نہیں ہوئی۔فواد چوہدری کا کہنا تھا کہ اپوزیشن کا یہ ہی مطالبہ تھا کہ الیکشن ہوں، اپوزیشن سے کہنا چاہوں گا ملک کا بھی خیال کریں، اگر ملک کو سیاسی استحکام کی طرف نہیں لائے تو ملک کا نقصان ہوگا۔ان کا کہنا تھا کہ اب ہر یوٹیوب پر ویڈیو بنانے والا بندہ صحافی بنا پھرتا ہے، میں نےمطیع اللہ جان سے کہا کہ ایک خاتون اینکر کو آپ نے گالیاں دی تھیں، ان خاتون اینکر سے پہلے معافی مانگیں پھر میں جواب دوں گا ،تین سال سے فرح خان کا اگر مریم نواز کو پتا تھا تو آپ نے کیوں ثبوت چھپائے رکھے۔