اسلام آباد(نیشنل ٹائمز)اداکارہ و ماڈل مدیحہ افتخار کے والد، اداکار و میزبان سید افتخار احمد انتقال کر گئے۔مدیحہ افتخار کی جانب سے اپنے والد کے انتقال کی خبر اپنے سوشل میڈیا اکاؤنٹ انسٹا گرام پر دی گئی۔مدیحہ افتخار کا اپنی انسٹا اسٹوری پر والد کے ہمراہ ایک تصویر شیئر کرتے ہوئے لکھنا تھا کہ ’آج میری دعا میرے باپ کو صحت دینا سے میرے باپ کو جنت نصیب کرنا میں بدل گئی ہے۔‘واضح رہے کہ مدیحہ افتخار کے والد مختصر عرصے سے علیل تھے جبکہ طبیعت زیادہ بگڑنے کے نتیجے میں سید افتخار احمد راولپنڈی کے اسپتال میں دم توڑ گئے۔یاد رہے کہ مدیحہ افتخار کے والد، سید افتخار احمد پاکستان شوبز ناڈسٹری کے لیجنڈری اداکار تھے، سید افتخار احمد کئی سال سرکاری ٹی وی کے مقبول پروگرام ’بولتے ہاتھ‘ سے وابستہ رہے۔سید افتخار احمد کو حکومت کی جانب سے پرائیڈ آف پرفارمنس سے بھی نوازا گیا۔سید افتخار احمد کی تدفین اسلام آباد میں ہوئی جس میں ان کی قریبی رشتہ داروں اور سرکاری ٹی وی سے تعلق رکھنے والے فنکاروں نے شرکت کی تھی۔دوسری طرف شوبز انڈسٹری سے تعلق رکھنے والے متعدد افراد کی جانب سے سوشل میڈیا پر انسٹا اسٹوریز کے ذریعے مدیحہ افتخار سے اُن کے والد کے کے انتقال پر افسوس اور تعزیت کر رہے ہیں۔
