اسلام آباد(نیشنل ٹائمز)پاکستان کی خوبرو اداکارہ مریم نفیس کی جانب سے اپنی شادی پر کیا گیا ڈانس سوشل میڈیا پر خوب وائرل ہو گیا ہے۔گزشتہ ہفتے کے اختتام پر مریم نفیس کی مہندی اور نکاح کی تقریبات سے متعدد تصویریں اور ویڈیوز سوشل میڈیا پر وائرل ہوئی تھیں جنہیں انٹرنیٹ صارفین اور مداحوں کی جانب سے خوب پسند کیا گیا تھا۔مہندی اور نکاح کے بعد اب مریم نفیس کی بارات سے سیکڑوں تصویریں اور ویڈیوز وائرل ہو رہی ہیں جس میں دُلہن سمیت پاکستان شوبز انڈسٹری کے متعدد فنکاروں نے ڈانس فلور پر ہلہ گلہ، رقص کر کے خوب رنگ جمایا ہے۔مریم نفیس نے اپنی شادی کے اہم ترین دن کے لیے روایتی رنگ لال کا انتخاب کیا تھا، مریم نفیس نے شرارے کے ساتھ لمبی فراک پہنی ہوئی تھی جبکہ اُن کے دولہے نے سیاہ شیروانی کا انتخاب کیا تھا۔