اسلام آباد(نیشنل ٹائمز)وزیراعظم عمران خان کے خلاف قومی اسمبلی میں عدم اعتماد کی تحریک پیش ہونے کے بعد اس پر ووٹنگ سات دن کے اندر ہوگی۔قومی اسمبلی کا اجلاس جمعرات اکتیس مارچ تک ملتوی کیا گیا ہے، ووٹنگ اکتیس مارچ کو بھی ہوسکتی ہے۔قواعد کے مطابق تحریک عدم اعتماد پر تین دن سے پہلے ووٹنگ نہیں ہوسکتی، زیادہ سے زیادہ سات دن میں ووٹنگ کرانا لازمی ہے۔واضح رہے کہ گزشتہ روز قومی اسمبلی کے اجلاس میں حکومت کے اتحادی اور پی ٹی آئی کے منحرف ارکان شریک نہیں ہوئے تھے۔